ប្រភព LookingTODAY
សឹង្ហបុរី៖ ថ្ងៃនេះ Lookingtoday សូមនំាអារម្មណ៍ប្រិយមិត្ត ឲ្យបានស្គាល់ អំពីជីវប្រវត្តិ របស់តារាស្រីដ៏ល្បី ប្រចំាប្រទេសសឹង្ហបុរី ក៏ដូចជាទូទំាងអាស៊ី គ្រាន់តែឮឈ្មោះថា បូបូ នោះប្រិយមិត្ត ពិតជាស្គាល់ និងកោតសរសើរ នូវទេពកោសល្យ ក្នុងការសម្តែងរបស់នាង មិនដាច់ពីមាត់។

បូបូ គឺជាឈ្មោះ ក្នុងសាច់រឿងមួយ ដ៏ល្បីនិងមានអាយុកាល ជិត២០ឆ្នាំមកហើយ។ ដោយឡែលពេលនេះ យើងខ្ញុំសូមបង្ហាញនឹងឈ្មោះពិត របស់នាងគឺ Zoe Tay Hui Gek ឬហៅបានម្យ៉ាងទៀតថា Zheng Huiyu ។ បូបូ កើតនៅថ្ងៃទី១០ ខែ មករា ឆ្នាំ ១៩៦៨ ។ នាងកើតក្នុងគ្រួសារ មានកូនស្រីពីរនាក់ នាងជាកូនស្រីទីពីរ ហើយក្រុមគ្រួសារ រស់នៅ Lim Chu Kang។ វ័យ១៦ឆ្នាំ នាងបានក្លាយទៅជា តារាបង្ហាញម៉ូដ ដ៏ល្បីប្រចំាឆ្នាំ១៩៨៧។

បូបូ បានរៀបការ ជាមួយស្វាមី មានតូនាទីជាអ្នកបើកបរ យន្តហោះ ឲ្យក្រុមហ៊ុន Republic of Singapore Air Force។ ឆ្លងកាត់ជីវិតអាពាហ៍ពិពាហ៍ ជាមួយស្វាមី ជាច្រើនឆ្នាំមកនេះ នាងទទួលបានសុភមង្គល និងមានកូនចំនួន០៣នាក់។ ទោះជាយ៉ាងណា ក្រៅពីតួនាទី ជាភរិយា និងជាម្ដាយដ៏ល្អ នាងនៅតែ មិនបោះបង់ចោល ការសម្តែងរបស់នាងឡើយ ព្រោះនាងទទួលបាន ពានរង្វាន់កិត្តិយស និងសេចក្តីថ្លៃថ្នូរ ពីអាជីពជាអ្នកសិល្បៈ នេះរហូតមក ៕