ប្រភព LookingToday
ហុងកុង៖ បន្ទាប់ពីតារាសម្តែង និងជាតារាបង្ហាញម៉ូត តៃវ៉ាន់ នាង Shu Qi បានសារភាព និងបង្ហាញនូវ មនោសញ្ចេតនា របស់នាងជាមួយ តារាសម្តែង ហុងកុង លោក Stephen Fung តាមរយៈការបង្ហោះរូបថត ចិញ្ចៀនពេជ្រ និងសំបុត្រ ដែលមានសត្វឆ្មា របស់នាង នៅជាមួយផង នោះ ស្រាប់តែធ្វើឲ្យមហាជន មានពាក្យចចាមអារ៉ាម ជាច្រើន ទៅលើគូស្នេហ៍មួយនេះ។

 ប៉ុន្តែ ឥឡូវនេះ ក៏ស្រាប់តែលេចឮពាក្យ ចចាមអារ៉ាម មួយផ្សេងទៀត ថា Shu Qi មានគម្រោង ស្នើសុំអ្វីមួយ ពី Stephen Fung នៅទីក្រុងតូក្យូ ប្រទេសជប៉ុន ក្នុងអំឡុងពេលខួបកំណើត របស់ នាង។ សម្រាប់គូស្នេហ៍នេះ ពេលខ្លះក៏មានទំនាក់ទំនងស្និទ្ធស្នាល និងពេលខ្លះក៏គ្មាន ។ ទង្វើបែប នេះពួកគេ បានធ្វើតំាងពីចូលជាតារាដំបូងៗ ក្នុងឆ្នាំ១៩៩៨ ក្នុងការសម្តែងរឿង Beauty។

 តាមប្រភពព័ត៌មានមួយ បានឲ្យដឹងថា Stephen បានចំណាយពេលជាច្រើន ជាមួយ Shu Qi បន្ទាប់ពីលោកបានបញ្ចប់ ទំនាក់ទំនងជាមួយតួសម្តែង តៃវ៉ាន់នាង Vivian Hsu។ តែយើង សង្កេតឃើញថា ពេលនេះពួកគេហាក់ដូចជា បានបង្ហាញនូវទំនាក់ទំនងស្នេហា របស់ពួកគេឲ្ យសាធារណជនបានដឹងថា ពួកគេពិតជាគូស្នេហ៍ ពិតប្រាកដមែន ។ ចង់ដឹងថា Shu Qi ស្នើសុំអ្វីពី Stephen នៅថ្ងៃខួបកំណើតនាងនោះ សូមរង់ចាំតាមដានទំាងអស់គ្នា..! ៕